7 اکتوبر سے اب تک اسرائیل کو متعدد ممالک سے فوجی ساز و سامان سے بھرے 200 کارگو طیارے مل چکے ہیں، جن میں 10 ہزار ٹن سے زیادہ ساز و سامان اسرائیل پہنچایا گیا۔اسرائیلی وزارت دفاع کی جانب سے جاری بیان میں کہا گیا کہ 7 اکتوبر سے اب تک اسرائیل کو متعدد ممالک سے فوجی ساز و سامان سے بھرے 200 کارگو طیارے ملے جن میں 10 ہزار ٹن سے زیادہ ساز و سامان اسرائیل پہنچایا گیا، اس میں ہتھیار، گولہ بارود اور فوجی گاڑیاں شامل ہیں۔دوسری طرف ایمنسٹی انٹرنیشنل نے دعویٰ کیا تھا کہ 13 اکتوبر کو غزہ پر ہونے والے اسرائیلی حملے میں 43 سویلینز شہید ہوئے اس حملے کیلئے امریکا میں بنا ویپن گائیڈنس سسٹم استعمال ہوا۔ایمنسٹی انٹرنیشنل کے مطابق دیر البلا میں ملبے کا معائنہ کرنے پر وہاں سے امریکی ساختہ جوائنٹ ڈائریکٹ اٹیک میونیشنز گائیڈنس سسٹم (جے ڈیم) کے پرزے ملے تھے۔

This post was originally published on VOSA.