راجستھان کی راجدھانی جے پور میں ہوئے شری راشٹریہ راجپوت کرنی سینا کے قومی صدر سکھ دیو سنگھ گوگامیڑی کے قتل کیس کے دونوں حملہ آوروں  کو گرفتار کر لیا گیا ہے۔ پولیس نے اس معاملے میں مرکزی ملزم روہت راٹھور اور نتن فوجی کو چنڈی گڑھ سے گرفتار کیا ہے۔دونوں ملزمان کو جے پور لایا گیا جہاں ان سے پوچھ گچھ کی جارہی ہے۔ اس معاملے میں ایس آئی ٹی کی تشکیل کے بعد راجستھان پولیس نے 72 گھنٹے کے اندر اس معاملے میں ملزمان کو پکڑنے کا یقین دلایا تھا اور انہوں نے انہیں جلد ہی انہیں پکڑ لیا۔ دہلی اور چنڈی گڑھ پولیس نے ملزم کی گرفتاری میں راجستھان پولیس کی مدد کی۔واقعے کے بعد دونوں ملزمان بس کے ذریعے ڈیڈوانہ پہنچے اور پھر ٹیکسی کے ذریعے سجان گڑھ پہنچ کر حصار کے لیے بس لی اور اس کے بعد چنڈی گڑھ میں چھپ گئے۔ جے پور میں ان دو ملزمان کی مدد کرنے والے ملزم رام ویر جاٹ کو  ہریانہ کے مہندر گڑھ سے گرفتار کیا گیا تھا۔پانچ 5 دسمبر کو مسٹر گوگامیڑی کو ان کے گھر میں گھس کر گولی مار کرقتل کر دیا گیا تھا۔ اس قتل کے واقعہ میں شرپسندوں کا ساتھ دینے والے نوین شیخاوت بھی مارا گیا تھا جبکہ تین دیگر زخمی ہوئے تھے۔

This post was originally published on VOSA.