آرمی چیف سید عاصم منیر سے عوامی جمہوریہ چین کے نائب وزیرخارجہ سن ویڈونگ  کی جی ایچ کیو میں ملاقات، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال کیا گیا۔آرمی چیف نے کہا کہ پاکستان اور چین کے درمیان تعلقات دونوں ممالک کے عوام کے لیے علاقائی امن، استحکام اور خوشحالی کی مشترکہ فہم پر قائم ہیں۔

چین کے نائب وزیر خارجہ سن ویڈونگ نے چیف آف آرمی سٹاف جنرل سید عاصم منیر سے جی ایچ کیو میں ملاقات کی آئی ایس پی آر کے مطابق ملاقات میں باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال کیا گیا۔چینی نائب وزیر خارجہ نے کہا کہ  پاکستان اور چین  تزویراتی شراکت دار ہیں،انہوں نے علاقائی امن و استحکام کے لیےپاکستان کی کوششوں کا اعتراف کیا ،چینی نائب وزیرخارجہ نے سی پیک منصوبوں کے لیے سیکیورٹی انتظامات پر چین کے اطمینان کا اظہار کیا۔آئی ایس پی آر کے مطابق  آرمی چیف سید عاصم منیرنے کہا کہ پاکستان اور چین کے درمیان تعلقات دونوں ممالک کے عوام کے لیے علاقائی امن، استحکام اور خوشحالی کی مشترکہ سوچ پر قائم ہیں۔

This post was originally published on VOSA.