میئر ایڈمز کا پہلا نیشنل اربن ریٹ سمٹ منعقد کرنے کا اعلان،میئرکی مشرقی یورپی ثقافتی ورثے کے اعزاز میں تقریب

نیویارک(ویب ڈیسک)نیویارک سٹی کے میئر ایرک ایڈمز نے ڈینیشل گروس کو نیویارک سٹی ڈپارٹمنٹ آف اسمال بزنس سروسز کی کمشنر مقرر کرنے کا اعلان کیا ہے۔گروس جو اس سے قبل قائم مقام کمشنر اور ایگزیکٹو ڈپٹی کمشنر کے طور پر خدمات انجام دے چکی ہیں، اب 350 سے زیادہ افراد پر مشتمل اس ایجنسی کی قیادت کریں گی، جو چھوٹے کاروباروں کے فروغ، ملازمتوں کی تخلیق اور پانچوں بورو میں خوشحال محلوں کی تعمیر کے لیے کام کرتی ہے۔میئر ایڈمز اور SBS کمشنر گروس نے اسٹور فرنٹ ویکیسیز میں کمی کے نئے اہداف اور اقدامات کا بھی اعلان کیا، جن کے تحت نیویارک سٹی میں تجارتی کوریڈورز کو مزید محفوظ اور خوشحال بنایا جائے گا۔ ایڈمز انتظامیہ کے آغاز سے اب تک تقریباً 40,000 نئے اسٹورز کھل چکے ہیں، اور اسٹور فرنٹ ویکیسی کی شرح لگاتار تین سہ ماہیوں میں کمی کے بعد 2024 کی دوسری سہ ماہی میں 11.15 فیصد پر پہنچ گئی ہے، جو 2023 کی آخری سہ ماہی میں 11.6 فیصد تھی۔ کئی بورو اور محلوں میں یہ شرح وبا سے پہلے کی سطح سے بھی کم ہو گئی ہے۔اس کامیابی کو مزید بڑھانے کے لیے انتظامیہ 64 کمیونٹی تنظیموں کو $4.8 ملین کی گرانٹ فراہم کر رہی ہے تاکہ تجارتی کوریڈورز کو مضبوط بنایا جا سکے، معیار زندگی بہتر کیا جا سکے، اور کمیونٹیز کو محفوظ رکھا جا سکے۔میئر ایڈمز کا کہنا ہے کہ چھوٹے کاروبار ہماری معیشت کی ریڑھ کی ہڈی ہیں جو پانچوں بورو کے تجارتی اضلاع اور کمیونٹیز  میں زندگی کی رمق پیدا کرتے ہیں۔ جیسے جیسے ہم اپنی پرائیویٹ سیکٹر ملازمتوں کے نئے ریکارڈ قائم کر رہے ہیں، سیاہ فام  اور لاطینی بے روزگاری میں بہتری لا رہے ہیں۔مزید براں نیویارک سٹی کے میئر ایرک ایڈمز نے شہر کے پہلے نیشنل اربن ریٹ سمٹ کے لیے اضافی مقررین اور تفصیلات کا اعلان کر دیا،دو روزہ سمٹ آج سے شروع ہو رہا ہے۔ سمٹ کے پہلے دن کا آغاز نیویارک سٹی ڈپارٹمنٹ آف ہیلتھ اینڈ مینٹل ہائجین کے کمشنر ڈاکٹر اشون واسن اور کارنل یونیورسٹی کے نیویارک اسٹیٹ انٹیگریٹڈ پیسٹ مینجمنٹ پروگرام سے ڈاکٹر میٹ فرائے کی تعارفی تقریر سے ہو گا۔ پہلے دن میں امریکہ اور کینیڈا کے محققین اور میونسپل ماہرین کی جانب سے علمی پیشکشوں پر توجہ دی جائے گی۔ سمٹ کے دوسرے دن شہری چوہوں کے خاتمے کے چیلنجز کے لیے ایک فریم ورک پر بات چیت ہو گی، جس میں پارک، سیور، تعمیراتی سائٹس، عوامی ہاؤسنگ، گلیاں، اور کوڑے کے ڈبوں کی بہتری جیسے موضوعات شامل ہیں۔میئر ایڈمز کا کہنا ہے کہ مجھے اپنے ساتھی ‘War on Rats’ کے جرنیلوں کو ہمارے عظیم شہر میں پہلے نیشنل اربن ریٹ سمٹ کے لیے خوش آمدید کہنے پر فخر ہے۔ ہماری شہر بھر میں مربوط پیسٹ مینجمنٹ حکمت عملی اور ‘Trash Revolution’ کی بدولت، ہم چوہوں کو ختم کر رہے ہیں اور پانچوں بورو میں معیار زندگی کو بہتر بنا رہے ہیں۔ ہم اس سمٹ کے دوران چوہوں کے خاتمے کے نئے طریقے اور بہترین عمل شیئر کرنے کے منتظر ہیں۔علاوہ ازیں نیویارک سٹی کے میئر ایرک ایڈمز نے مشرقی یورپی ثقافتی ورثے کی تقریب کے دوران کمیونٹی کی کاوشوں کو خراج تحسین پیش کیا۔ انہوں نے یوکرینی پناہ گزینوں کی نمائندگی کرتے ہوئے کمشنر مرمنسٹائن کی مثال دی، جو امریکہ میں آنے والے بہت سے افراد کی طرح امریکی خواب کی تلاش میں آئے اور نیویارک سٹی کی ترقی میں اہم کردار ادا کیا۔میئر ایڈمز نے اقوام متحدہ کے ہفتے کے موقع پر بات کرتے ہوئے نیویارک کو اقوام متحدہ کا شہر قرار دیا اور شہر کے مختلف علاقوں میں قائم مشرقی یورپی کمیونٹی کی تعریف کی، جیسے بروکلین کے برائٹن بیچ اور گرین پوائنٹ میں موجود بڑی پولش کمیونٹی کی ۔انہوں نے کہا کہ یہ ملک آپ کو اپنے آبائی وطن سے دور ہونے کے باوجود اپنی جڑوں سے جڑے رہنے کا موقع دیتا ہے۔ آپ یوکرینی-امریکن، جارجیئن-امریکن یا لتھوانیائی-امریکن کے طور پر اپنی ثقافت اور ورثے کو زندہ رکھتے ہوئے امریکی خواب کا حصہ بن سکتے ہیں۔میئر ایڈمز نے مزید کہا کہ امریکہ وہ واحد ملک ہے جس کے نام کے ساتھ خواب جڑا ہوا ہے اور یہ خواب یہاں موجود مختلف کمیونٹیز  کی شراکت سے ہی پورا ہو سکتا ہے۔ تقریب میں انہوں نے شہر کی خدمات میں شامل ہونے والے افراد، جیسے کمشنر مرمنسٹائن اور انستاسیا، اور سیاست میں حصہ لینے والوں، جیسے الیک بروک-کراسنی، کی بھی تعریف کی۔تقریب کے اختتام پر میئر نے مشرقی یورپی کمیونٹی کی کامیابیوں کا جشن مناتے ہوئے کہا کہ نیویارک سٹی دنیا کے سب سے متنوع  ثقافتی  شہروں میں سے ایک ہے، اور یہاں کی مشرقی یورپی کمیونٹی نے شہر کو ایک عظیم مقام بنانے میں اہم کردار ادا کیا ہے۔

This post was originally published on VOSA.