ریاض(نمائندہ خصوصی)سعودی عرب میں ہیومن ریسورس اینڈ مین پاور ایکسپو کا آغاز ہوگیا جس میں مختلف ممالک کی جانب سے سٹالز لگائے گئے ہیں وفاقی وزیر برائے اوورسیز پاکستانیز چوہدری سالک حسین نے ایکسپو میں پاکستانی پویلین کا افتتاح کیا۔سعودی دارالحکومت ریاض میں ہیومن ریسورس اینڈ مین ہاور ایکسپو میں پاکستان سمیت دیگر ممالک کی جانب سے سٹالز لگائے گئے ہیں پاکستانی پویلین کا افتتاح وفاقی وزیر برائے اوورسیز پاکستانیز اینڈ ہیومین ریسورس چوہدری سالک حسین نے سفیر پاکستان احمد فاروق کے ہمراہ کیا اور سعودی عرب کی جانب سے ہیومن ریسورس اینڈ مین پاور ایکسپو کے انعقاد کو سراہا ،میڈیا سے گفتگو کرتے ہوئے  چوہدری سالک حسین  اورسفیر پاکستان احمد فاروق  نے کہا کہ ا یسی نمائش سے پاکستان  مختلف مواقعوں سے بہتر انداز میں فائدہ اٹھا سکتا ہے اور ہماری کوشش ہے کہ پاکستانی ہنر مندوں کو سعودی مارکیٹ میں جاری منصوبوں میں ملازمتوں کے حصول کے ساتھ ساتھ دیگر ایگزیکٹو شعبوں میں مہارت رکھنے والے افراد کے لیے بھی مواقعے پیش کیے جائیں پاکستان میں ہنر مند افراد کی تعداد کو بڑھانے کے لیے سرکاری اور پرائیویٹ اداروں کو فعال بنایا جا رہا ہے چوہدری سالک حسین کا کہنا تھا کہ موجودہ حکومت اوورسیز پاکستانیوں کے مسائل کو حل کرنے کے لیے عملی اقدامات کر رہی ہے اور پنجاب کے ساتھ ساتھ وفاقی وزارت اوورسیز کا پورٹل بھی سمندر ہار پاکستانیوں کی شکایات کا ازالہ کر رہا ہے جبکہ قومی اسمبلی اور سینٹ سے اوورسیز پاکستانیوں کے حقوق کے تحفظ کے لیے خصوصی عدالتوں کے قیام کا بل پاس کروایا گیا ہے اور جلد ہی عدالتوں کے قیام کے ساتھ ہی اوورسیز پاکستانیوں کے مسائل کو حل کرنے میں مدد ملے گی

This post was originally published on VOSA.