جدہ(نمائندہ خصوصی)سعودی عرب کے ساحلی شہر جدہ کے کنگ عبد العزیز انٹرنیشنل ایئرپورٹ پر ایک دن میں مسافروں کی تعداد کا ایک نیا ریکارڈ  قائم کیا گیا جو ایک لاکھ 61 ہزار تک پہنچ گیا۔جدہ ایئر پورٹ کی انتظامیہ کا کہنا ہے کہ یہ ریکارڈ بدھ 6 نومبر 2024 کو قائم ہوا  جس میں جدہ ایئرپورٹ آنے  والے مسافروں کی تعداد 81195 اور یہاں سے جانے والے مسافروں کی تعداد 79994 رہی ،مذکورہ دن کل 817 پروازیں جدہ ایئرپورٹ پر اتریں۔ اس طرح آنے اور جانے والی پروازوں کا حساب لگایا جائے تو یہ فی گھنٹہ 34 بنتی ہیں۔ ان تمام پروازوں کے مسافروں کے ایک لاکھ 32 ہزار 189 بیگیج بھی ہینڈل کیے گئے جدہ ایئرپورٹ کی انتظامیہ کا کہنا تھا کہ یہ کامیابی ان تمام شراکت داروں کی یکجہتی اور تعاون کی بدولت حاصل ہوئی جنہوں نے اس کے حصول میں اہم کردار ادا کیا۔

This post was originally published on VOSA.