نیویارک:نیویارک سٹی کے میئر ایرک ایڈمز نے شہر میں آتشبازی اور شمع روشن کرنے پر عائد پابندیوں کو ختم کرنے کا اعلان کیا ہے۔میئر ایڈمز کا کہنا ہے کہ یہ فیصلہ شہر میں حالیہ دنوں میں موسم کی حالت بہتر ہونے اور آگ کے خطرے میں کمی کے بعد کیا گیا ہے۔ ایڈمز نے واضح کیا کہ پابندیوں کا مقصد خشک موسم میں خطرات کو کم کرنا تھا لیکن اب جبکہ موسمی حالات میں بہتری آئی ہے اور آگ کے خطرات کم ہوئے ہیں تو ان پابندیوں کو ختم کیا جا رہا ہے۔ ساتھ ہی میئر نے رہائشیوں سے درخواست کی ہے کہ وہ پانی کا استعمال کم کرنے کی کوشش کریں کیونکہ شہر میں پانی کی کمی کا مسئلہ ابھی بھی موجود ہے اور اس کے حل کے لیے ہر شہری کی مدد ضروری ہے۔ انہوں نے ساتھ ہی شہریوں کو پانی کے استعمال میں بچت کے لیے چند تجاویز فراہم کیے ہیں جیسے کہ غیر ضروری پانی کے ضیاع سے بچنا، چھوٹے برتنوں میں پانی کا استعمال کرنا اور بارش کے پانی کو ذخیرہ کرنا۔اس اقدام کا مقصد شہریوں کو محفوظ اور خوشگوار ماحول فراہم کرنا ہے ساتھ ہی شہر کے قدرتی وسائل کو بھی محفوظ رکھنا ہے تاکہ مستقبل میں کسی بھی ممکنہ بحران سے بچا جا سکے۔

This post was originally published on VOSA.