سعودی عرب کے ولی عہد شہزادہ محمد بن سلمان نے کہا ہے کہ سلطنت سعودیہ آئندہ 4 سال کے دوران امریکا کے ساتھ 600 ارب ڈالر کی سرمایہ کاری اور تجارت میں اضافہ کرنے کا ارادہ رکھتی ہے۔

میڈیا رپورٹس کے مطابق سعودی ولی عہد اور امریکی صدر نے ٹیلی فونک گفتگو میں دو طرفہ تعلقات اور باہمی امور پرتبادلہ خیال کیا گیا جب کہ شہزادہ محمد بن سلمان نے صدر ڈونلڈ ٹرمپ کو منصب سنبھالنے پرمبارکباد دی اور امریکی قیادت و عوام کے لیے نیک خواہشات کا اظہار کیا۔ دونوں رہنماؤں نے سرمایہ کاری اور تجارتی تعلقات کو مزید فروغ دینے اور دہشتگردی کی روک تھام کے لیے دو طرفہ تعاون کو بڑھانے پر اتفاق کیا جب کہ گفتگو کے دوران مشرق وسطیٰ میں قیام امن اور سلامتی سے متعلق بھی بات چیت ہوئی۔ سعودی ولی عہد محمد بن سلمان نے کہا کہ سعودی عرب اگلے 4 سالوں میں600 ارب ڈالرز کی سرمایہ کاری اور  تجارت کو بڑھانا چاہتا ہے۔

This post was originally published on VOSA.