نیویارک(ویب ڈیسک) نیویارک سٹی کے میئر ایرک ایڈمز نےجیٹ سیٹ نائٹ کلب میں پیش آنے والے افسوسناک سانحے  کے بعد جائے وقوعہ  کا دورہ کیا ان کا کہنا تھا کہ کسی المیے کے بارے میں پڑھنا یا خبروں میں دیکھنا ایک الگ بات ہے، لیکن خود اس مقام پر پہنچ کر ان چہروں کو دیکھنا جنہیں ہم نے کھو دیا، ایک دل دہلا دینے والا تجربہ ہے۔

میڈیا سے گفتگومیں میئر ایڈمزنے  گہرے رنج و غم کا اظہار کرتے ہوئے کہا کہ مجھے اس ملک میں آنا ضروری محسوس ہوا،  جس نے اپنے بیٹے اور بیٹیاں امریکہ کو مضبوط بنانے کے لیے دیے۔ انہوں نے نیویارک میں ڈومینیکن کمیونٹی کی خدمات اور قربانیوں کو سراہتے ہوئے کہا کہ یہاں موجود  شخصیات جیسے ڈپٹی میئر آلمنزار، جو پہلی ڈومینیکن نائب میئر ہیں، اور یدانس روڈریگز، جو نیویارک کے محکمہ ٹرانسپورٹ کے پہلے ڈومینیکن کمشنر ہیں، حکومت کی طاقت کی علامت ہیں۔ انہوں نے معروف کاروباری شخصیت فرنانڈو رہدامیس روڈریگز کا ذکر کرتے ہوئے کہا کہ وہ بقیہ کمیونٹی کے جذبے اور قربانیوں کی نمائندگی کرتے ہیں۔جب میں ان چہروں کو نہروں کے کنارے دیکھتا ہوں، تو مجھے آلمنزار، یدانس اور روڈریگز کی جھلک نظر آتی ہے جو ہم سے ہمیشہ کے لیے جدا ہو گئے۔میئر ایڈمز نے ڈومینیکن کمیونٹی کو نیویارک کی روح قرار دیتے ہوئے کہا کہ ہماری کمیونٹی خاندان، ایمان، عوامی تحفظ اور بچوں پر یقین رکھتی ہے۔ انہوں نے ڈومینیکن قونصل جنرل کا شکریہ ادا کیا کہ انہیں متاثرہ خاندانوں کے ساتھ غم بانٹنے کا موقع دیا گیا۔میئر ایڈمز نے اس موقع پر پھول بھی رکھے، جو ان کے بقول نہ صرف ان کی محبت بلکہ نیویارک اور امریکہ کی طرف سے محبت کی علامت ہے۔ انہوں نے کہا کہ میں صرف اس شہر کا میئر نہیں ہوں، میں آپ کا بھائی ہوں، ہم متاثرہ خاندانوں کے لیے دعا گو ہیں۔

This post was originally published on VOSA.