میری لینڈ(ویب ڈیسک) امریکی ریاست میری لینڈ کے شہر بالٹی مور کے ایک گودام میں شدید آگ بھڑک اٹھی۔ خوش قسمتی سے کوئی جانی نقصان نہیں ہوا۔

حکام کے مطابق، آگ بالٹی مور کے مغربی علاقے میں واقع ایک پرانے گودام میں  شام 7 بجے سے قبل لگی، جو جلد ہی 6-الارم کی سطح تک پہنچ گئی۔ فائر چیف جیمز ڈبلیو والیس کے مطابق، آگ پر قابو پانے کے لیے 200 سے زائد فائر فائٹرز کو تعینات کیا گیا۔ حکام نے آگ کی شدت کے پیش نظر فائر فائٹرز کو اندر جانے کے بجائے بیرونی دفاعی پوزیشن لینے کی ہدایت دی۔ متاثرہ عمارت ایک خالی ملٹی اسٹوری میٹریس گودام تھی، جس میں دو زیر زمین منزلیں میٹریس سے بھری ہوئی تھیں جو آگ کو ایندھن فراہم کر رہی ہیں۔ اب تک کسی جانی نقصان کی اطلاع نہیں ملی، لیکن فائر ڈیپارٹمنٹ نے علاقے کے لوگوں سے ایڈمنسن ایونیو اور بانتالو اسٹریٹ کے اطراف آنے سے گریز کی درخواست کی ہے۔ کچھ رہائشیوں کو احتیاطی تدابیر کے تحت علاقہ خالی کروایا گیا ہے جبکہ ریڈ کراس کی مدد بھی طلب کی گئی ہے۔ اس عمارت کی نزدیکی میں واشنگٹن ڈی سی اور بالٹی مور کے درمیان واقع ایک اہم مسافر ریل لائن ہے جس کی وجہ سے امٹرک نے تمام ریل سروس کو عارضی طور پر روک دیا ہے۔ واقعے کی مزید تحقیقات جاری ہیں۔

This post was originally published on VOSA.