ہوائی(ویب ڈیسک) امریکی ریاست ہوائی کی رہائشی ہننا ہارٹ نے عدالت میں اپنے مورگیج قرض دہندہ اور انٹرنل ریونیو سروس (IRS) کو دھوکہ دینے کا اعتراف جرم کر لیا ہے۔

عدالت میں دائر دستاویزات کے مطابق، ہارٹ نے 2014 کا جعلی ٹیکس ریٹرن جمع کروایا، جس میں انہوں نے 46 لاکھ 49 ہزار 4 سو 4 ڈالر کا غلط ریفنڈ حاصل کیا۔ انٹرنل ریونیو سروس (IRS) کی جانب سے اس رقم کی واپسی کی کوششوں کو ناکام بنانے کے لیے انہوں نے رقم مختلف بینک اکاؤنٹس میں منتقل کی اور متعدد جعلی خطوط بھیجے۔ ساتھ ہی ہننا ہارٹ نے اپنے مورگیج قرض دہندہ کو 20 لاکھ 66 ہزار 522 ڈالر سے زائد کی رقم واپس کرنے سے انکار کیا اور جعلی چیک کے ذریعے قرض دہندہ کو دھوکہ دیا۔ 2006 میں لیا گیا ان کا مورگیج قرض 2010 سے بغیر ادائیگی کے زیر التواء تھا اور 2022 میں قرض دہندہ نے جائیداد ضبط کرنے کی کارروائی شروع کی تھی۔ ہارٹ پر ڈاک کے ذریعے دھوکہ دہی اور IRS کو دھوکہ دینے کی سازش کے الزامات ہیں، جن میں انہیں زیادہ سے زیادہ 20 سال قید اور 5 سال قید کی سزا ہوسکتی ہے۔ مقدمہ وفاقی عدالت میں چل رہا ہے اور اس کی تحقیقات FBI، IRS کرمنل انویسٹی گیشن اور ٹریژری انسپکٹر جنرل کر رہے ہیں۔

This post was originally published on VOSA.