نیویارک(ویب ڈیسک) نیویارک میں امریکی امیگریشن اینڈ کسٹمز انفورسمنٹ (ICE) کے ایجنٹس نے کورٹ لینڈ کے رہائشی علاقے میں کارروائی کرتے ہوئے تین افراد کو گرفتار کر لیا ہے۔

میئر مارٹن روتینا کے مطابق یہ کارروائی تقریباً صبح 5:30 بجے کورٹ لینڈ اسٹریٹ پر کی گئی، جہاں امریکی امیگریشن اور کسٹمز انفورسمنٹ (ICE) نے ایک ایسے شخص کے خلاف وارنٹ جاری کر کے اسے حراست میں لیا جس کا نیویارک میں کریمنل ریکارڈ موجود ہے۔ ایجنٹس نے پولیس کو وارنٹ کی کاپی فراہم کی اور پھر بغیر کسی مزاحمت کے تین افراد کو حراست میں لے لیا۔ حکام نے اس بات کی وضاحت نہیں کی کہ ان افراد پر کیا الزامات ہیں۔ مقامی پولیس نے اس کارروائی میں حصہ نہیں لیا۔ میئر نے واضح کیا کہ سلیپی ہالو پولیس نے وارنٹ کے نفاذ میں کوئی کردار ادا نہیں کیا۔ گرفتاری کے بعد میئر نے کہا کہ وہ اپنے شہروں کی عوامی حفاظت اور رہائشیوں کی زندگی کے معیار کو بہتر بنانے کے لیے پرعزم ہیں اور چاہتے ہیں کہ یہاں کے تمام رہائشی خود کو محفوظ محسوس کریں۔

This post was originally published on VOSA.