ویب ڈیسک:بھارت کی  قومی ایئر لائن  ایئر انڈیا  کا طیارہ احمدآباد سےلندن کے  لیے اُڑان بھرنے کے چند  ہی سیکنڈ بعد625 فٹ کی  بلندی سےگرکر تبا ہ ہوگیا۔حادثے میں متعدد اموات کا خدشہ ہے۔طیارے میں  عملے  کے بارہ ارکان  اور گجرات کے سابق وزیر اعلیٰ روپانی  سمیت  دو سو چالیس مسافر سوار تھے ۔بھارتی میڈیا کے مطابق  مسافروں میں  169 بھارتی  شہری، 53 برطانوی، 7 پرتگالی اور 1 کینڈئین شہری سمیت 11 بچے بھی  شامل  ہیں۔ احمد ایئر پورٹ پر فلائٹ آپریشن  بند اور اسپتالوں میں ایمرجنسی نافذ  کردی گئی۔

بھارتی میڈیا کے مطابق ریاست گجرات کے شہر احمد آباد کے ائیرپورٹ کے قریب ائیر انڈیا کا مسافر بردار طیارہ گرگیا جس میں عملے کے 12 ارکان سمیت 240 سے زائد افراد سوار تھے جب کہ حادثے کے شکار طیارےمیں گجرات کے سابق وزیراعلیٰ روپانی بھی سوار تھے۔بھارتی میڈیا کا بتانا ہےکہ حادثے کے شکار طیارے میں 169 بھارتی شہری، 53 برطانوی، ایک کینیڈین اور 7 پرتگالی شہریوں سمیت 11 بچے بھی موجود تھے۔رپورٹس کے مطابق ممکنہ طور پر ائیر انڈیا کا طیارہ احمد آباد ائیرپورٹ سے  لندن جارہا تھا کہ ٹیک آف کرنے کے چند  سیکنڈز بعد ہی گرکر تباہ ہوگیا۔یر انڈیا کی پرواز اے آئی 171 احمد آباد ائیرپورٹ سے روانگی کے وقت 322 کلومیٹر فی گھنٹہ کی رفتار سے محض 625 فٹ اوپر اڑ سکی اور پھر ٹیکنیکل طور پر گرکر تبا ہوگئی۔

بھارتی میڈیا کی رپورٹس میں بتایا گیا جارہا ہےکہ طیارہ آبادی پر گرکر تباہ ہوا۔بھارتی وزیر صحت نے طیارہ حادثے میں متعدد افراد کے ہلاک ہونے کی تصدیق کی ہے۔طیارہ حادثے کے بعد جائے حادثہ کی ویڈیوز بھی سامنے آئی ہیں جس میں دھواں اٹھتا دیکھا جاسکتا ہے۔بھارتی میڈیا کا بتانا ہےکہ حادثہ بھارتی وقت کے مطابق 1 سے 2 بجے کے درمیان پیش آیا اور  حادثے کے بعد احمد آباد ائیر پورٹ پر فلائٹ آپریشن بند کردیا گیا ہے جب کہ اسپتالوں میں ایمرجنسی نافذ کردی گئی ہے۔ 

فلائٹ ریڈار کے مطابق اڑان بھرنےکے بعد ایک منٹ سے بھی کم وقت میں625 فٹ کی بلندی پر طیارے سے رابطہ منقطع ہو گیا تھا۔بھارتی ڈی جی سول ایوی ایشن کا کہنا ہےکہ طیارہ گرنے سے قبل ایک بج کر39 منٹ پرکیپٹن نے مے ڈے کی کال دی۔میڈیا رپورٹس میں بتایا گیا ہےکہ حادثے کا شکار بوئنگ 787  طیارہ 11 سال پرانا تھا۔

This post was originally published on VOSA.