نیویارک(ویب ڈیسک) نیویارک سٹی کے میئر ایرک ایڈمز نے سابق امریکی کانگریس مین چارلس آرینجل کو خراجِ تحسین پیش کرنے کے لیے ایک خصوصی تقریب سے خطاب کیا۔

میئر ایڈمز نے اپنے خطاب میں آرینجل کو ایک عظیم رہنما، محب وطن اور عوامی خدمت کا روشن استعارہ قرار دیا۔ چارلس آرینجل 26 مئی کو میموریل ڈے کے روز 94 برس کی عمر میں ہارلم ہاسپٹل سینٹر میں انتقال کر گئے۔ آرینجل طویل عرصے تک کانگریس کے رکن رہے اور نیویارک کی نمائندگی کرتے ہوئے تقریباً 50 سال تک عوامی خدمت انجام دیتے رہے۔ تقریب کے دوران خطاب کرتے ہوئے ایک سینئر عہدیدار نے رینگل کی 1950 میں جنگ کوریا میں بہادری پر حاصل کیے گئے برونز اسٹار اور پرپل ہارٹ اعزازات کو یاد کرتے ہوئے کہا کہ ان کا عسکری کارنامہ بعد میں عوامی خدمت میں بھی جھلکتا رہا۔ انہوں نے کہا کہ رینگل کی قیادت میں نہ صرف ہارلم بلکہ پورے ملک کے عوام کو آواز ملی اور وہ ایوان نمائندگان کی ویس اینڈ مینز کمیٹی کے چیئرمین بنے۔ رینگل کی عوام سے وابستگی پر روشنی ڈالتے ہوئے کہا گیا کہ دور جدید میں ٹیکنالوجی بدلی، مگر رینگل کا اندازِ گفتگو اور عوام سے تعلق وہی رہا۔ انہیں ’لینکس ایونیو کا شیر‘ قرار دیتے ہوئے مقررین نے کہا کہ وہ امریکہ کی عظمت کے قائل تھے مگر خامیوں پر کھل کر تنقید بھی کرتے تھے۔ کانگریس مین رینگل کو ان کی سیاسی بصیرت، عوامی خدمت، اور کمیونٹی سے وابستگی پر بھرپور خراج عقیدت پیش کیا گیا۔ ایڈمز نے کہا کہ وہ جسمانی طور پر رخصت ہو چکے ہیں، مگر ان کی روحانی موجودگی اور میراث ہمیشہ زندہ رہے گی۔

This post was originally published on VOSA.