نیویارک سٹی کے میئر ایریک ایڈمز نے بروکلین اور کوئینز کے جویل اسٹریٹس کو محفوظ، جدید اور بہتر بنانے کے لیے 146 ملین ڈالر سے زائد کے ترقیاتی منصوبے کا اعلان کیا ہے۔

 دو سالہ کمیونٹی مشاورت کے بعد تیار ہونے والا یہ منصوبہ سیلاب سے نمٹنے کے لیے نئے ڈرینیج سسٹم، پیدل چلنے والوں اور سائیکل سواروں کی حفاظت کے لیے سڑکوں کی ازسرنو تعمیر، اور بس ٹریفک کی بہتری جیسے اقدامات پر مشتمل ہے۔ منصوبے کے تحت 17 ایکڑ سرکاری زمین پر 1,400 نئے مکانات تعمیر کیے جائیں گے، جب کہ ری زوننگ کے عمل کے بعد مزید 3,600 مکانات کے مواقع پیدا ہوں گے۔ ایڈمز انتظامیہ اس منصوبے پر فوری عملدرآمد کا آغاز کرے گی۔ اس منصوبے میں بلیو بیلٹ واٹر اسٹوریج سسٹم، نئے پمپ اسٹیشن، اور اسٹریٹ گرڈ کی بحالی جیسے اقدامات شامل ہیں تاکہ برساتی پانی کے قدرتی بہاؤ کو منظم کیا جا سکے۔ میئر ایڈمز نے کہا کہ جویل اسٹریٹس کے رہائشی نیویارک کے “اصل جواہر” ہیں، لیکن ان کی انفراسٹرکچر دہائیوں سے نظرانداز کی گئی۔ اب وقت ہے کہ اس علاقے کو محفوظ، جدید اور قابلِ رہائش بنایا جائے۔ ڈپٹی میئر جیف روتھ کے مطابق یہ منصوبہ کمیونٹی کے ساتھ طویل اشتراکِ عمل کا نتیجہ ہے جس کا مقصد برسوں کے مسائل، غیر قانونی ڈمپنگ اور سیلاب سے پیدا مشکلات کا مستقل حل فراہم کرنا ہے۔ منصوبے کے تحت رہائشیوں کے لیے “ریزیلینٹ ایکوزیشنز” پروگرام کے ذریعے رضاکارانہ خریداری یا مکانوں کی سیلاب مزاحم تزئین کی سہولت بھی فراہم کی جائے گی۔

This post was originally published on VOSA.