روس میں دوران پرواز کارگو طیارے کے انجن میں آگ بھڑک اٹھی،پائلٹ نے شعلوں میں لپٹے طیارے کو بیکال ایئرپورٹ پر واپس باحفاظت اتار لیا گیا۔روس میں دوران پرواز کارگو طیارے کے انجن میں آگ بھڑک اٹھی جس کی ویڈیو سوشل میڈیا پر وائرل ہوگئی۔ویڈیو میں طیارے کے انجن میں لگی آگ واضح طور پر دیکھی جاسکتی ہے۔طیارے میں عملے کے پانچ افراد سوار تھے جو چین جارہے تھے تاہم خوش قسمتی سے کوئی جانی نقصان نہیں ہوا۔عینی شاہد لیوبوف پچیوفا نے کہا کہ ’میں نے فضا میں ایک زوردار دھماکے کی آواز سنی تو پہلے سوچا کہ یہ آتش بازی ہے لیکن آواز بہت عجیب تھی یہ بہت خوفناک تھا۔رپورٹ کے مطابق کارگو طیارہ چین اور روس کے درمیان سامان لے جانے کے لیے استعمال کیا جاتا ہے۔طیارہ نے بیکال ہوائی اڈے سے چینی شہر ژانگ ژو کے لیے اڑان بھری تھی،دھماکے سے اس کے بائیں انجن میں آگ لگ گئی۔بوریاٹیا ریجن کے سربراہ الیکسی تسیڈینوف نے کہا کہ پائلٹ نے طیارے کے ایک انجن کا استعمال کرتے ہوئے ہنگامی لینڈنگ کی۔انہوں نے بتایا کہ طیارہ مقامی وقت کے مطابق ساڑھے آٹھ بجے ہنگامی لینڈنگ کی۔ایسٹ سائبیرن ٹرانسپورٹ پراسیکیوٹر آفس کی جانب سے واقعے کی تحقیقات جاری ہیں۔

This post was originally published on VOSA.