میئر ایڈمز کی ہفتہ وار پریس کانفرنس میں انتظامیہ کی کارکردگی کی تعریف
نیویارک:نیویارک سٹی کے میئر ایریک ایڈمز نے 2024 کی تیسری سہ ماہی کے شہر بھر کے جرائم کے اعداد و شمار کا اعلان کرتے ہوئے کہا ہے کہ انتظامیہ شہریوں کی حفاظت کے لیے پرعزم ہے۔رپورٹ کے مطابق، شہر میں مجموعی طور پر جرائم کی شرح میں کمی دیکھی گئی ہے، جبکہ بعض مخصوص جرائم میں اضافہ بھی ریکارڈ کیا گیا ہے۔ میئر ایڈمز نے پولیس اور دیگر قانون نافذ کرنے والے اداروں کی کارکردگی کو سراہتے ہوئے کہا کہ شہر میں امن و امان کی بحالی کے لیے مزید اقدامات کیے جا رہے ہیں۔میئر ایڈمز نے کہا کہ ان کی انتظامیہ شہریوں کی حفاظت کے لیے پرعزم ہے اور جرائم کی روک تھام کے لیے جدید حکمت عملیوں اور وسائل کا استعمال جاری رکھا جائے گا۔ انہوں نے مزید کہا کہ عوام کا اعتماد بحال کرنے اور شہر کو مزید محفوظ بنانے کے لیے پولیس کی موجودگی کو مزید مضبوط کیا جائے گا۔علاوہ ازیں نیویارک سٹی کے میئر ایریک ایڈمز نے اپنی انتظامیہ کی خدمات، تجربے اور بحرانوں کے دوران شہریوں کے مسائل کو حل کرنے کی صلاحیت کو سراہا۔اپنی ہفتہ وار پریس کانفرنس کے دوران میئر ایڈمز نے کہا کہ ٹوریس-سپرینگر کو فوری طور پر نیویارک سٹی کی پالیسیز پروگراموں اور عملے کا جائزہ لینے کا کام سونپا گیا ہے تاکہ حکومت کے مختلف شعبے ایک دوسرے کے ساتھ بہتر طریقے سے کام کر سکیں اور نیو یارکرز کے لیے بہتر خدمات فراہم کی جا سکیں۔ انہوں نے ان کے 20 سال سے زیادہ تجربے اور نیویارک کے شہریوں کے لیے بار بار خدمات فراہم کرنے کی صلاحیت کو سراہا۔میئر نے سابق ڈپٹی میئر شینا رائٹ کا بھی شکریہ ادا کیا، جنہوں نے ٹرانزیشن ٹیم کی قیادت کی اور بچوں کی دیکھ بھال، عوامی ہاؤسنگ کے رہائشیوں کو مفت انٹرنیٹ کی فراہمی اور نیویارک میں اسلحے کے تشدد کے خلاف لڑائی میں اہم کردار ادا کیا۔ میئر ایڈمز نے ان کے ذاتی اور پیشہ ورانہ مستقبل کے لیے نیک خواہشات کا اظہار کرتے ہوئے کہا کہ شینا رائٹ نے نیویارک کے عوام کی بھرپور خدمت کی ہے۔
This post was originally published on VOSA.