امریکی نائب صدر کملا ہیرس نے کہا ہے کہ سابق صدر ڈونلڈ ٹرمپ خواتین کی عزت کا احترام نہیں کرتے۔کملا ہیرس نے ریلی میں خواتین ووٹرز سے جمہوریت کے استحکام کے لیے کردار ادا کرنے کی اپیل کی اور سابق صدر ڈونلڈ ٹرمپ کو سخت تنقید کا نشانہ بنایا۔ ہیرس نے کہا کہ ٹرمپ کا رویہ خواتین کی ذہانت اور ان کی صلاحیتوں کی توہین ہے۔ ہیرس نے اپنے خطاب میں کہا کہ خواتین امریکی معاشرے میں نہایت اہم مقام رکھتی ہیں، اور ان کی شراکت معیشت کو مزید مضبوط بناتی ہے۔ انہوں نے خواتین ووٹرز کو یاد دلایا کہ ان کا ووٹ اہم ہے اور اس سے آئندہ نسلوں کے مستقبل کے فیصلے متاثر ہو سکتے ہیں۔ ہیرس نے موجودہ انتظامیہ کی پالیسیوں کی مثال دیتے ہوئے کہا کہ ان کے دور میں خواتین کی مدد کے لیے متعدد پروگراموں کا آغاز کیا گیا ہے، جن میں صحت کی بہتر سہولتیں، معاشی مواقع، اور زچگی کے بعد کی سہولتیں شامل ہیں۔ انہوں نے خواتین سے اپیل کی کہ وہ اپنے حقوق کے تحفظ اور بااختیار بننے کے لیے اپنا ووٹ ضرور ڈالیں، تاکہ مستقبل میں ایک ایسا نظام تشکیل دیا جا سکے جس میں ہر عورت کو  عزت اور مساوی مواقع مل سکیں۔

This post was originally published on VOSA.