جدہ(نمائندہ خصوصی)اسلامی تعاون تنظیم او آئی سی کے شعبہ سائنس اینڈ ٹیکنالوجی کے معاون جنرل سیکرٹری آفتاب کھوکھر کا کہنا ہے کہ او آئی سی مسلم ممالک میں سائنس اینڈ ٹیکنالوجی کے فروغ کے لیے کوشاں ہے تاکہ تیزی سے ترقی کرتی ہوئی دنیا کا بھرپور مقابلہ کیا جاسکے۔جدہ میں سماجی رابطہ کمیٹی کی جانب سے منعقدہ تقریب کے شرکاء سے اظہار خیال کرتے ہوئے اسلامی تعاون تنظیم او آئی سی کے شعبہ سائنس اینڈ ٹیکنالوجی کے معاون جنرل سیکرٹری آفتاب کھوکھر کا کہنا تھا کہ او آئی سی اسلامی ممالک کا ایک ایسا پلیٹ فارم ہے جس سے امت مسلمہ کے اتحاد کو یقینی بنایا جا رہا ہے اس سے مسلم ممالک کو درپیش مسائل کے حل کے ساتھ ساتھ سائنس اینڈ ٹیکنالوجی کو بھی فروغ دیا جا رہا ہے تاکہ انفارمیشن ٹیکنالوجی کے اس دور میں مسلم ممالک باقی دنیا کا بہتر انداز میں مقابلہ کر سکیں او آئی سی کو متحرک بنانے میں سعودی عرب کے ساتھ ساتھ پاکستان کا بھی ہمیشہ اہم کردار رہا ہے سماجی رابطہ کمیٹی جدہ کے چیئرمین  راجہ ریاض،آصف بٹ ، ڈاکٹر معین الدین اور دیگر کا کہنا تھا کہ آفتاب کھوکھر ایک منجھے ہوئے اور تجربہ کار سفارت کار ہیں جن کی او آئی سی میں خدمات بھی یقینی گراں خدمات سے پاکستان کا نام روشن کریں گے آخر میں پاکستان انجینیرنگ ویلفیئر فورم کے آصف بٹ کی جانب سے آفتاب کھوکھر جو اعزازی شیلڈ سے بھی نوازا گیا

This post was originally published on VOSA.