بھارتی جارحیت کے جواب میں افواج ِ پاکستان نے ایک بھرپور اور فیصلہ کن آپریشن میں صرف 5 گھنٹوں میں  بھارتی جنگی غرور کو خاک میں ملا دیا۔ آپریشن’بنیان المرصوص‘ سے بھارت میں روسی ساختہ جدید ترین ایس فور ہنڈریڈ میزائل ڈیفنس سسٹم، چار ایئربیسز، پانچ ایئرفیلڈز، دو براہموس میزائل اسٹوریج سائٹس، ایک دہشت گردی کا کیمپ، بریگیڈ ہیڈکوارٹر، سپلائی ڈپو، آرٹلری گن پوزیشن اور لائن آف کنٹرول پر کئی فوجی پوسٹوں کی تباہی شامل ہے۔

پاکستانی فوج کے شعبہ تعلقات ِ عامہ آئی ایس پی آر کے مطابق یہ کارروائیاں نہ صرف بری اور فضائی محاذ پر کامیاب رہیں بلکہ سائبر محاذ پر بھی پاکستان نے تاریخی برتری حاصل کی۔ JF-17 تھنڈر طیاروں کے ذریعے بھارت کے جدید اور مہنگے ترین S-400 ایئر ڈیفنس سسٹم کو آدم پور میں تباہ کر دیا ۔ اس سسٹم کی قیمت تقریباً 1.5 ارب ڈالر بتائی جاتی ہے۔پاکستانی سائبر ماہرین نے بھارت کے اہم ترین اداروں کی درجنوں ویب سائٹس ہیک کر کے دفاعی اور مواصلاتی ڈھانچے کو مفلوج کر دیا۔ ہزاروں سرکاری کیمروں کا کنٹرول حاصل کرنے کے علاوہ، بھارت کے 70 فیصد بجلی کے نظام کو بھی معطل کر دیا گیا۔زمینی کارروائیوں میں پاک فوج نے دہرانگیاری میں بھارتی توپ خانہ، ناگروٹا میں براہموس میزائل ذخیرہ، اور اُڑی فیلڈ سپلائی ڈپو کو مکمل طور پر تباہ کر دیا۔ بھمبر گلی میں بھارتی بریگیڈ ہیڈکوارٹرز کو بھی نشانہ بنایا گیا۔ فضائی محاذ پر سرسا، پٹھان کوٹ، باتھِنڈا، برنالہ اور اکھنور کے اہم فضائی اڈے تباہ کر دیے گئے۔ بھارتی میڈیا نے سرسا ایئر فیلڈ کی تباہی کی تصدیق خود بھی کی ہے۔نیزہ پیر سیکٹر کے سامنے واقع دھرم سال 1، دانہ 1، اور ٹیبل ٹاپ پوسٹس کو مکمل طور پر تباہ کر دیا گیا۔ متعدد دیگر بھارتی چوکیاں بھی صفحہ ہستی سے مٹا دی گئیں۔صرف چند گھنٹوں میں بھارت کا دفاعی نظام، فضائی طاقت، سائبر نیٹ ورک اور لاجسٹک سپورٹ لائنز مکمل طور پر مفلوج کر دی گئیں۔ اس کارروائی نے ثابت کر دیا کہ پاکستان نہ صرف روایتی جنگ بلکہ الیکٹرانک جنگ میں بھی دشمن پر فیصلہ کن سبقت رکھتا ہے۔ترجمان پاک فوج کے مطابق، پاکستان اپنی خودمختاری اور قومی سلامتی پر کوئی سمجھوتہ نہیں کرے گا۔ دشمن کی ہر جارحیت کا منہ توڑ جواب دیا جائے گا اور پاکستان کی مسلح افواج ہر محاذ پر پوری طرح چوکنا اور تیار ہیں۔

This post was originally published on VOSA.