بھارت میں خراب موسم اور دھند کے باعث کئی بھارتی پروازیں گھنٹوں تاخیر کا شکار ہوگئیں، ایسے میں مسافر اپنے غصے پر قابو نہ رکھ سکا اور پائلٹ کو تھپڑ جڑ دیا۔سوشل میڈیا پر ایک ویڈیو وائرل ہورہی ہے کہ جس میں دیکھا جاسکتا ہے کہ انڈیگو طیارے میں سوار مسافر 13 گھنٹوں کی تاخیر کے باعث غصے میں آگ بگولا ہوگیا اور تاخیر کا اعلان کرتے پائلٹ کو تھپڑ مار دیا۔ مذکورہ انڈیگو طیارے کو دہلی ایئر پورٹ سے گوا کے لیے اڑان بھرنی تھی لیکن دھند کے باعث پرواز وقت پر روانہ نہ ہوسکی۔ہراسانی کا شکار پائلٹ نے واقعے کے بعد تھپڑ مارنے والے مسافر، جس کی شناخت ساحل کٹاریہ کے نام سے ہوئی ہےاس کے خلاف مقدمہ درج کرادیا ہے۔ پائلٹ کی شکایت پر مذکورہ مسافر کو سیکیورٹی فورسز کے حوالے کردیا گیا ہے جبکہ معاملے کی تحقیقات کا آغاز کردیا گیا ہے۔صارفین سوشل میڈیا پر وائرل ویڈیو کے کمنٹس میں تبصرہ کرتے ہوئے مسافر کو سخت تنقید کا نشانہ بنا رہے ہیں اور کہہ رہے ہیں کہ ان سب میں طیارے کا عملہ قصور وار نہیں ہے، طیارے کے عملے کو جو ہدایات ملتی ہیں وہ ویسے ہی کام کرتے ہیں۔
This post was originally published on VOSA.
