نیویارک میں اسپیشل الیکشن میں کانگریشنل ڈسٹرکٹ تھرڈ سے امیدوار ٹام سوازی کے لیے ارلی ووٹنگ شروع ہوگئی ہے جو گیارہ فروری تک جاری رہے گی، پاکستانی امریکنز نے اپنی کمیونٹی سے اپیل کی ہے کہ وہ ٹام سوازی کو بھرپور سپورٹ اور ووٹ کریں۔ ایشئن امریکن کولیشن نے اسپیشل الیکشن کے لیے ارلی ووٹنگ شروع ہونے پر کانگریس کے اُمید وار ٹام سوازی کی حمایت میں ناساؤ کاونٹی کے نجی ریسٹورانٹ میں فنڈریزنگ کا اہتمام کیا جس میں پاکستانی امریکن کمیونٹی کی کثیر تعداد شریک ہوئی ۔ شرکاء نے ٹام سوازی کو اپنی بھرپور حمایت کا یقین دلایا۔ ٹام سوازی نے اپنے ووٹرز کو ارلی ووٹنگ کے لیے مقررہ مقامات کے بارے میں بریفنگ دی۔ ان کا کہنا تھا کہ میرے پاکستانی کمیونٹی کے ساتھ ہمیشہ سے بہت اچھے تعلقات رہے ہیں اور اس کمیونٹی نے بھی ہمیشہ میرا ساتھ دیا ہے۔تقریب کی میزبان کمیٹی میں سید وسیم، وکیل انصاری، اشتیاق خان، چودھری ظہور اور اور رفاقت علی شامل تھے ۔ ان کا کہنا تھا کہ ٹام سوازی پاکستانی کمیونٹی کے کوئی نئے نہیں بلکہ پرانے دوست ہیں، وہ ایمیگرینٹس کے مسائل کو بخوبی سمجھتے ہیں، اس لیے ہمیں ان کا ساتھ دینا چاہیے۔مقررین کا کہنا تھا ہماری شہری زمہ داری ہے کہ انتخابات میں اپنے ووٹ کا لازمی استعمال کریں اور اسے ضائع ہونے سے بچائیں ۔تقریب کی ہوسٹ کمیٹی کے ارکان کا کہنا تھا کہ 11 فروری تک ارلی ووٹنگ کی جاسکتی ہے، بصورت دیگر 13 فروری کو ووٹ کریں ، ٹام سوازی پاکستانی کمیونٹی کے لیے بہترین انتخاب ہوں گے۔
This post was originally published on VOSA.
